Oʻzbek yozuvchisining soʻzlariga koʻra, Uspenskiy bolalar yozuvchisi hisoblansa-da, uning asarlarida kattalarni ham oʻylantirib qoʻyadigan gʻoyalar koʻp. "U erkin fikrlashni, erkin yashashni targʻib qilib, insoniyatning zombilashishiga qarshi kurashdi. "Vatanni himoya qilish uchun qasam ichish kerak, lekin oʻlish uchun qasam ichishdan nima maʼno?» deganida ham Uspenskiy qarashlari mujassamdir. U quvnoq asarlar yozishidan maqsadi bolalarni xursand qilish orqali dunyoqarashini keng qilmoqchi ekani yaqqol sezilib turadi. Eduard Uspenskiy rus ertakchiligini yana bir pogʻona koʻtarib, uning sanʼatning yangi turi – multfilm bilan chambarchas bogʻliqlikda rivojlantirdi. Natijada katta shuhrat qozonib, rus adabiyoti va rus multfilm sanʼatini Yaponiyadan tortib, Shvetsiyagacha boʻlgan hududlarda, qolaversa, butun jahonda mashhur qildi".
