Марғилонда иқтидорли бир ижодкор яшайди. Гап шундаки, у ширингина шеъру ғазаллар битади. Шу билан бирга ширали овоз соҳиби: мумтоз ва замонавий қўшиқларни маромига етказиб айтиб, катта-кичик маросимларда қатор-қатор совринлар ҳам олган. Бир неча шеърий китоблар муаллифи. Абдукарим Жумабоев ана шундай ижодкордир. Унинг бир қарашда соддагина туюлган сатрлари таъсирли, дардли, теран маъноли. Неча ўнлаб шеърлари эфир тўлқинлари орқали жаранглаб, шинавандалар дилига ором бераётганлигининг боиси ҳам ана шунда. Шоирнинг ушбу мажмуасига унинг янги асарлари жамланган. Ўйлаймизки, тўплам китобхонларни мамнун этади.
