Mazkur darslikda iqtisodiy xavfsizlikni ta‘minlashning nazariy va metodologik asoslari hamda iqtisodiy xavfsizlikni ta‘minlashda davlatning ijtimoiy-iqtisodiy siyosatini takomillashtirish qonuniyatlari, uning alohida uslublari va instrumentlarini qo'llashning o'ziga xos xususiyatlari yoritilgan. Alohida misollar, statistik va ekspert tahlillar asosida mamlakat va uning mintaqalariga tahdidlar hamda tavakkalchilik omillarini aniqlash, iqtisodiy xavfsizlikning asosiy indikatorlarini baholash va ularni tahlikali darajalari bilan mosligini baholash mumkin. Darslikda ―2022-2026-yillarga mo'ljallangan Yangi O'zbekistonning taraqqiyot strategiyasida aholining ijtimoiy, oziq-ovqat, transport va axborot xavfsizligini ta‘minlash, iqtisodiy xavfsizlikka ta‘sir etuvchi ichki va tashqi tahdidlar, globallashuv jarayonlarini, terrorizmni, xufyona iqtisodiyotni mamlakat iqtisodiy xavfsizligiga ta‘siri, korrupsiyaga qarshi kurashning nazariy va metodologik asoslarini yoritishga asosiy e‘tibor qaratilgan. Darslik O'zbekiston Respublikasi Jamoat xavfsizligi universitetining barcha kursantlari, magistrlari, aspirantlari va iqtisodiyot sohasidagi bilimlarga qiziquvchi barcha kitobxonlar uchun mo'ljallangan.