Axborot-resurs markazi 2019-yilda filial tashkil etilishi bilan ishga tushirilgan bo‘lib, unda bir vaqtni o’zida 70 nafar odam foydalanishi uchun mo‘ljallangan o‘quv zali mavjud. Axborot-resurs markazida professor-o’qituvchilar va talabalar istagan elektron axborot ta’lim resurslaridan ham keng miqdorda foydalanishlari uchun 12 dona wi-fi tizimiga ulangan kompyuterlar mavjud. Professor-o’qituvchi va talabalar o’zlariga kerakli bo’lgan elektron axborot ta’lim resurslarini chop etib olishlari uchun esa 1 dona (3/1) imageCLASS MF3010 Canon printeri bor va undan foydalanish imkoniyati yaratilgan.
Hozirgi kunga kelib filial axborot-resurs markazi fondining umumiy soni 1286 nomda 10667 sonda bosma adabiyotlar mavjud bo‘lib jumladan. Elektron ko‘rinishdagi o‘quv adabiyotlar soni esa 11648 tani tashkil etadi.
2023-yil filial axborot resurs markaziga jami 136 nomda 2403 sonda, mutaxassislik fanlariga oid o‘quv-qo‘llanmalar, darsliklar olib kelindi. Jumladan, matematika, psixologiya, ingliz tili, biologiya, iqtisodiyot, informatika, siyosiy va kitob albomlar, amaliy qo‘llanmalar va adabiyotlar olib kelinib ARM fondiga joylashtirildi.
Hozirgi kunga kelib filial Axborot-resurs markazida talabalar kirib chiqishini kuzatish maqsadida https://lib.jbnuu.uz/reception/ saytdan foydalanib kelmoqda. Axborot-resurs markaziga 4398 nafar talaba va 216 nafar professor-o‘qituvchilar a’zo bo‘lgan. professor-o‘qituvchilar uchun ham ID kartalardan foydalanish tizimi ishga tushurilganligi tufayli 126 nafariga “Kitobxon Guvohnomasi” taqdim etildi.
Masofaviy ta’lim olishda elektron adabiyotlar bazasidan foydalanishlik holatini yanada yaxshilash maqsadida (jbnuu.uz) elektron kutubxona maxsus xizmati mavjud bo‘lib, bunda talabalarning ehtiyojlaridan kelib chiqqan holda ularning buyurtmasiga muvofiq ARM xodimlari tomonidan darsliklar, o‘quv qo‘llanmalar, badiiy va ilmiy adabiyotlar, hamda yangiliklarning elektron variantlari yuklab borilmoqda.
